- أنا اللي هتفت سلمية لا أنا صايع ولا بايع سنين عمري اللي باقية بلاش ولا حابب أشوف امى قلقها عليا مابيهداش لا عاوز أشوفها شايلة الهم وتبكى لو تشوف الدم ولما تتسال عنى تقول دا ضناي راح ولاجاش . - أنا اللي هتفت سلمية ولا كان نفسى اشم الغاز ولامسك طوبة فى أديا ولا خرطوشة تحرقنى. - أنا اللى هتفت سلمية مكنش في بالى النار ولاانى انضرب برصاص ولا أن عنية تبقه نشلنى ظابط مفترى قناص. - أنا اللى نزلت بهتافي خلعت نظام وحققت اللى كانوا فكرينوا الأحلام سعتها اتشلت فوق الروس وقالوا عليا احلي كلام. - دة كان في يناير الماضي بداية العام ومات ايمها صاحبي فواد ومات خالد ومات رامي وراحت عين قريبي هشام وعدة الشهر بعد الشهر وفاتوا عليا زى الدهر ودم الشهدا يفزعني ويقلق راحتي كل منام. - سعتها لقتنى متكتف و قلت لابد أعود اهتف رجعت هتفت سلمية وقلت الدم مش للبيع بورقة بعشرة أو مية فى ايدى أية غير أن أهتف فضلت اهتف فضلت اهتف. - وقلت ياناس أنا هتفت سلمية قلولى لا ونكرونى وشفت الدم من تانى وعاد المشهد الدامي ودة كان يوم ممات مينا عشان مقبلش تانى الظلم وراح يهتف . - وذادت ايمة الشهدا عدد من ناس فى منهم صابتة رصاصة أو اللى أنداس وزاد الحزن والقهرة وعادوا الكرة ميت مرة وسال الدم من تانى على جبينوا وغرق عمتوا الحرة ومن تانى عشان خطرك يسيل الدم يا طهره . - وبعد دة كل أنا اللى هتفت سلمية ويسقط كل من خانوا ويسقط كل من هانوا ويسقط كل من وقفوا فى وش جيل بيتحرر ويسقط كل من ضربوا ويسقط كل من قتلوا ويسقط كل شطبوا سطور فى تاريخ بيتسطر ومن تانى رخص دمى وسال فى شوارع التحرير معتش بينفع التبرير ورجعوا قالوا تستاهل لكن عارفين أنا استاهل عشان أنا كنت متساهل ولجل يكون فى معلومكم مفيش حرية بالساهل ومهما يسيحوا فى دمى اردتى مش هتكسر فدا بلادى تروح الروح ولا أشوفها بتتعسكر.

 الموضوع الأصلي : ســلــمــــــيـــة  المصدر : مُنتَدَيَاتْ صُـوتــْ بَــلَــدْنََــا

______________________________________________________